བོད་ཀྱི་མི་རབས་གསར་བའི་ཟིན་བྲིས་ཁང་།

                                        ཐོལ་བྱུང་གི་གཏམ་བཤད།

                                                                       རིགས་ཀྱི་བུ་བཟང། 

སྤྱི་ ལོ་༢༠༡༥ཟླ་༣ ཚེས་༣༡་རེས་གཟའ་དམིག་དམར་ཉིན་རྒྱབ་ཆུ་ཚོད་༤ཐོག་དགེ་འོས་སློབ་མ་ཡེ་ཤེས་བསྟན་འཛིན་གྱིས་རྩོམ་རིག་ཚོགས་ཆུང་འགོ་ སྒྲིག་འོག་ཐོལ་བྱུང་གི་གཏམ་བཤད་སྐབས་འགོ་འཛྲུགས་ཀྱི་གཏམ་བཤད་སྐབས་བཤད་པ་དེའི་ ཟིན་བྲིས་ཐོག་ཏུ།།

འདི་རིང་འདི་གར་དཀྱིལ་འཁོར་འདིའི་ནང་ ཆེས་སྔགས་ཆིབས་བསྒྱུར་བསྐྱངས་པའི་དགེ་འོས་མཐོ་སློབ་ཆེན་མོ་ངེས་སྟོན་པ་མཆོག་ དང། དེ་བཞིན་བཀའ་དྲིན་གཡུར་དུ་ཟ་བའི་སློབ་དཔོན་རྣམས་པ། གཤོག་རླབས་གཉིས་ལྡན་གྱི་མ་འོངས་དགེ་རྒན་ཡོངས་ལ་ཕྱོགས་གཅིག་ཏུ་སྒོ་གསུམ་གུས་ པའི་འཚམས་འདྲི་ཡོད།

ཁྱེད་རྣམས་ཀྱི་མཁྱེན་གསལ་ལྟར། དེ་སྔོན་རྩོམ་རིག་ཚོགས་ཆུང་གིས་གོ་སྒྲིག་འོག་ལ་དབྱིན་ཇི་ཐོལ་བྱུང་གཏམ་བཤད་ ཚོགས་ཟིན་པ་རེད། དེ་ཐོག་སློབ་མ་མཁྱོན་ཡོངས་ཀྱིས་རོགས་རམ་རྒྱབ་སྐྱོར་གནང་བ་ལ་ཐུགས་ རྗེ་ལེགས་གསོལ་ཞུས་ཡ་དང། འདི་རིང་དམིགས་བསལ་རྩོམ་རིག་ཚོགས་ཆུང་གིས་བོད་ཡིག་ཐོལ་བྱུང་གི་གཏམ་བཤད་འགོ་ སྒྲིག་ཞུས་ཡོད་། དེ་སྡོན་ང་ཚོས་དུས་འགྱངས་ཀྱིས་ཡིག་རྒྱུགས་ཚར་ནས་མ་གཏོགས་འགོ་སྒྲིག་ བྱ་ཐུབ་པ་མ་བྱུང། གང་ལྟར་ཡང་གལ་ཆེན་དོན་ཆེན་ཞིག་འཇོག་ནས་འདི་རིང་གོ་སྒྲིག་བྱེད་ཐུབ་པ་རེད།

སྤྱིར་ བཏང་གི་རིགས་པའི་གཞུང་ལུགས་དང་ཚོགས་པ་སྐྱིད་སྡུག་འདུ་ཚོགས་ཆེ་ཆུང་སོགས་གང་འདྲ་ ཞིག་ཡིན་རུང་དམིགས་ཡུལ་དང་དགོས་པ་ཟེར་བ་དེ་ཧ་ཅང་གལ་ཆེན་པོ་རེད། ལྷག་པར་ནང་པ་ཞིག་དང་ནང་པའི་ཆོས་ཤེས་མཁན་དང་འཆད་མཁན།ཉམས་ལེན་གནང་མཁན་དང་དར་ སྤེལ་བྱེད་མཁན་ཞིག་ཡིན་ན་ཧ་ཅང་གལ་ཆེ། དེ་མཚུངས་འདི་རིང་ངས་བོད་ཡིག་ཐོལ་བྱུང་གི་གཏམ་བཤད་ཀྱི་དམིགས་ཡུལ་དགོས་དམིགས་ དེ་མ་འཆད་ སྔོན་ལ་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་བཀའ་སློབ་ནང་ནས་

                        [[བོད་ཡིག་བོད་པས་མ་སྦྱང་ན་སུས་སྦྱང། བོད་ཡིག་བོད་པས་བདག་པོས་མ་བརྒྱབ་ན་སུས་རྒྱག

                         དེར་བརྟེན་ང་ཚོས་བོད་ཡིག་གཙོ་བོར་གྱུར་པའི་ཤེས་ཡོན་ལ་དང་འདོད་དང་དོ་སྣང་བྱེད་རྒྱུ་གལ་ཆེན་པོ་རེད། ]]

བཅས་ ཕྱི་ལོ་༡༩༨༥་ལོར་གནས་མཆོག་རྡོ་རྗེ་གདན་དུ་གསར་འབྱོར་བ་རྣམས་ལ་སྩལ་བའི་བཀའ་ སློབ་དུམ་བུ་ཞིག་གི་ཐོག་ནས་མཆོད་པར་བརྗོད་པར་སྔོན་ལ་གཏོང་སྟེ། འདི་རིང་གི་བོད་ཡིག་ཐོལ་བྱུང་གི་གཏམ་བཤད་དེའི་་དམིགས་ཡུལ་དང་དགོས་པ་ཁག་གཤམ་དུ་ རིམ་བཞིན་ཞུ་འདོད་ཡོད།

---

༡ དང་པོ། བསམ་བློའི་རྣམ་དཔྱོད་དང་ཤེས་རབ་ནུས་སྟོབས་གར་རང་དབང་ལྡན་པ། ང་ཚོ་སོ་སོའི་རྣམ་དཔྱོད་དང་ཤེས་རབ་སྟོབས་དང་རང་དབང་ནུས་པ་དེ་མཚུངས་སྤྱི་ལོ་ ༢༠༠༥་ ལོར་གཏན་འབེབས་གནང་བའི་ཤེས་ཡོན་སྲིད་བྱུས་ཀྱི་དགོས་དམིགས་གཞི་རྩ་ཞིག་དང་ལྷག་ པར་དེ་རིང་སང་ཉིན་སྤྱི་ཚོགས་སྟེང་དུ་མེད་དུ་མེད་ན་མི་འབྱུང་བ་འབྲེལ་བ་ཡིན། ལྷག་པར་སངས་རྒྱས་ཀྱི་གསུངས་ནང།

དགེ་སློང་བདག་གི་ཁྱེད་རྣམས་ཀྱིས།

སྲེགས་བཅད་བརྡར་བའི་གསེར་བཞིན་དུ།

ལེགས་པར་བརྟག་ལ་ང་ཡི་བཀའ།

བླང་བ་བྱ་བར་གུས་ཕྱིར་མིན། 

བཅས་ བཀའ་སྩལ་ཡོད་རེད། དེ་ཡང་སངས་རྒྱས་རང་ཉིད་ཀྱིས་གསུངས་ལ་བརྟག་དཔྱོད་བྱོས་ཟེར་མཁན་ནི། ཆོས་ལུགས་པ་ནང་གི་བླ་མ་ཐོག་མར་ཞིག་ཡིན་པ་ནི་སྨྲོས་མི་དགོས་ཡིན་ལ། དེ་ལས་ང་ཚོ་རྨོངས་དད་དང་དད་པ་རྐྱང་ངང་ནས་ ཆ་བཞག་རྒྱུ་མེད་པ། ཤེས་རབ་ཀྱིས་བརྟག་དཔྱད་བྱ་དགོས་པ་ནི་ཐོག་མ་དང་དང་པོ་ཡིན་པས་དོ་སྣང་བྱ་དགོས། ད་དུང་འདི་རིང་ང་ཚོས་རྩོམ་རིག་སྡེ་ཚན་གྱི་དེ་ལ་དམིགས་ནས་བརྗོད་གཞི་འདྲ་མིན་ ཁག་མང་པོ་ཡོད་པའི་ནང་ནས་སློབ་ཚན་དང་དེ་གར་འབྲེལ་བ་མ་ཡིན་པར་སྤྱིར་བཏང་གི་ བསམ་བློ་དང་རྣམ་དཔྱོད་གོང་འཕེལ་ཕྱིར་འབྲེལ་བ་ཡོད་པས། བསམ་བློའི་རྣམ་དཔྱོད་དང་ཤེས་རབ་ནུས་སྟོབས་དང་རང་དབང་ནི་གལ་འགངས་ལ་འཛིན་ ནས་དམིགས་ཡུལ་ཐོག་མ་དེ་ཡིན།

༢གཉིས་པ།  རང་གི་རིག་གཞུང་བོད་པས་བདག་སྲུང་བརྒྱུད་འཛིན་བྱེད་དགོས་པ། བདག་ཉིད་ཆེན་པོ་གྷན་རྡི་མཆོག་གི་ཕྱག་དེབ་Hind swaraj སྙན་གྲགས་ཆེ་བ་དེ་རྒྱ་གར་གྱི་སྐད་ཡིག་དབུས་ནས་Gujuratསྐད་ ཐོག་ནས་བྲིས་ནང་ མཛད་ཡོད། དེ་ནས་རིམ་པའི་་དབྱིན་ཇི་དང་བོད་སྐད་སོགས་སྐད་རིགས་འདྲ་མིན་ནང་དེང་སང་མཇལ་རྒྱུ་ཡོད་ པ་དེ་ནི་ཐོག་མར་རང་གི་སྐད་ཡིག་ཐོག་ཡོད་པ་ནི། གྷན་རྡི་དབྱིན་ཇི་མ་མཁྱེན་པ་རེད་དམ་ཟེར་ན། དེ་འདྲ་རྩ་བ་ནས་མ་རེད། གྷན་རྡི་ཕྱོགས་ནི་དབྱིན་ཇི་ཐོག་མཁྱེན་རྒྱས་ཡངས་པོ་དང། རྒྱལ་སྤྱིའི་དང་གྲོས་ཚོགས་ནང་དབྱིན་སྐད་ཐོག་བགྲོ་གླེང་བྱེད་ཐུབ་པ་དང། བྱེད་ནུས་པ་དང། བྱེད་ཆོག་པ་ཡོད་མཁན་གྱི་སྐྱེ་བོ་དམ་པ་ཞིག་མཆིས། ཡིན་ན་ཡང། རང་གིས་རིགས་གཞུང་དང་སྐད་ཡིག་ལ་རྒྱུད་འཛིན་དང་བདག་སྲུང་ཆེན་པོ་བཟུང་མཁན་ཞིག་ ཡིན། དེ་ཡང་མཁས་དབང་ཟམ་གདོང་རིན་པོ་ཆེ་མཆོག་གིས་བོད་ཕྲུག་ཁྱིམ་སྡེ་རུ་ལས་བྱེད་ ཡོངས་ལ་སྩལ་གནང་བའི་སྐབས་གསུངས་སོང། ད་དུང་ད་ལྟ་དགེ་རྒནན་བྱེད་བཞིན་པ་ཡང་ན་འབྱུང་འགྱུར་བྱ་རྒྱུ་ཡིན་ན་ངེས་པར་ དུ་ ཕྱག་དེབ། Ethics for millenium ,Beyond religion དང་Hind swaraj དེ་གསུམ་ཀློག་དགོས། བཅས་གསུངས།

དེ་དང་སྤྱིར་བཏང་གཞུང་ལུགས་དང་རིག་གནས་གང་འདྲ་ཡིན་ན་ཡང་ བོད་པའི་སྐད་ཡིག་ནང་བརྙེད་རྒྱུ་ཡོད་པ་དང། འཛམ་གླིང་ནང་དེང་སྐབས་སེམས་ཀྱི་ཞི་བདེ་དང་བདེ་སྐྱིད་འབྱུང་འགྱུར་ལ་བོད་ཀྱི་ ཆོས་དང་སྐད་ཡིག་ཡིན་པས་རང་གི་རིག་གཞུང་བོད་པས་བདག་སྲུང་བརྒྱུད་འཛིན་བྱེད་ དགོས་པ་ནི་གཉིས་པའོ།།

གསུམ་པ། སློབ་མ་རྣམས་ལ་གདེང་ཚོད་བསྐྲུན་ནུས་པ། ང་ཚོ་ནི་སྤྱིར་བཏང་འབྱུང་འགྱུར་དགེ་རྒན་ཞིག་ཡིན་པས། དགེ་རྒན་གྱི་བྱ་གཞག་ནི་སྤྱི་ཚོགས་དང་སློབ་མ་ཕན་ཚུན་ལ་འབྲེལ་བ་ཡོད་པས། དེ་ཡོང་བ་ལ་གདེང་ཚོད་དགོས་པ་ནི་ཁ་གསལ་གཏིང་གསལ་ཡིན། དེ་ཡང་ང་ཚོས་དགེ་འོས་ཤེས་རིག་རིག་པའི་སློབ་ཚན་ནང་ཡོད་པའི་greek་གྱི་མཁས་དབང་socrates གི་ཕྱག་དེབ། a guides of happiness  ནང་ ལ་གསལ་སྟོན་ལྟར། སྤྱི་ཚོགས་ནང་རྙོག་གྲ་ཆེ་ཆུང་གང་མང་ཞིག་གདེང་ཚོད་ཉམས་པའི་རྐྱེན་ཡིན་ཟེར་ ཡོད། སོང་ཙང་ང་ཚོ་ནི་དགེ་རྒན་ཞིག་དང་བོད་རིགས་སྐྱབས་བཅོལ་བ་ཞིག་ཆགས་ནས་གང་ཅི་ ཐོག་ཧུར་ཐག་གནང་དགོས་པ་དང་སྤྱི་ཚོགས་སྟེང་གདེང་ཚོད་ལྡན་པ་ཞིག་བསྐྲུན་ཐུབ་ བྱ་དགོས་པ་ནི་གང་ལ་བརྗོད་དགོས།

མཐར་བོད་ པའི་ལུགས་སྲོལ་ནང་འགྲེལ་བ་ དང་རྩ་བ་རིང་པོ་རྣམས་ཕྱོགས་བསྡུས་པོ་དང། ཁུངས་བསྡུས་པོ་བཟོས་ཡ་ལུགས་སྲོལ་ཡོད་པ་བཞིན ཕྱོགས་གཅིག་ནས་་དེ་ནི་གལ་འགངས་ དང་དགེ་མཚན་ཞིག་རེད། དོན་སྙིང་འདི་རིང་ཐོལ་བྱུང་གཏམ་བཤད་ལ་དམིགས་ཡུལ་མང་པོ་ཞིག་ཡོད་ན་ཡང་གཙོ་བོ་ དེ་གསུམ་ལ་དམིགས་པ་ཡིན་པས་། ཁྱེད་རྣམས་ཀྱིས་དམིགས་ཡུལ་དེ་དང་མཚུངས་སེམས་ལ་སྙིང་བཅངས་བྱེད་ནས་གཅིག་ཕན་ གཅིག་གྲོགས་ངང་ནས་ཆ་ཤས་གདེང་སྤོབས་ངང་ལེན་རོགས་གནང་འབོད་སྐུལ་དང། ང་ཚོ་བཙན་བྱོལ་བ་དང་བོད་མི་ཞིག་ཡིན་པ། དུས་ཉག་འཕྲང་ལ་ཡོད་པ་མ་བརྗེད་པར་གཅིག་སྒྲིལ་ངང་ཆ་ཤས་བླངས་རོགས་བསྐྱར་དུ་རེ་ སྐུལ་དམ་པོ་ཞུ།

དེ་རྗེས་སློབ་མ་བསྟན་འཛིན་ནམ་མཁའ་ལགས་ཀྱིས་འདི་རིང་ ཐོལ་བྱུང་གི་་གཏམ་བཤད་ཀྱི་མདོ་འཛིན་པ་གནང་གི་རེད། སོང་ཙང་ཐུགས་མཉེས་པོ་ཡོང་བ་རེ་བ་ཞུ། ནམ་མཁའ་ལགས་ཕེབས་རོགས་གནང། ནམ་མཁའ་ལགས།.........