བདེན་པ་ཡིན་ནམ་མིན་ནམ།
རིགས་ཀྱི་བུ་བཟང།
ད་ལྟ་འཛིན་གྲྭ་ནང་དུ་འཇུག་ལ་བསྡད་ཀྱང།།
མ་འོངས་དཀྱིལ་འཁོར་ཐོག་ཏུ་འགོ་ལ་བཞུགས་འདོད།།
འདས་པའི་སྤྱི་ཚོགས་ཁྲོད་དུ་ཕྱིར་མིག་བལྟས་སྐབས།།
འཆར་སྣང་དེ་དངོས་བྱུང་བ་བདེན་པ་ཡིན་ནམ།།
ཡིག་རྒྱུགས་ཨང་རིམ་རྩེ་ལ་དགའ་བ་ཡིན་ཀྱང།།
ཤེས་ཡོན་ཆུ་ཚད་དམན་ན་སྡུག་པ་ཡིན་མཆིས།།
ད་ལྟ་མི་ཚོགས་ངོགས་སུ་ཞིབ་བལྟ་དཔྱད་སྐབས།།
བཤད་པ་དེ་འདྲ་འགའ་རེ་བདེན་པ་མིན་ནམ།།
ཕྱི་རུ་རྒྱུ་ནོར་མང་ན་མཐུན་རྐྱེན་ཚོགས་ཀྱང།།
ནང་དུ་ཤེས་ཡོན་ཉུང་ན་ཆག་སྒོ་ཡིན་རེད།།
འབྱུང་འགྱུར་མི་ཚེ་དོན་དུ་སློབ་ཁྲིད་དེ་དག
སློབ་གསོ་སྦྱིན་མཁན་རྣམས་ནི་བདེན་པ་ཡིན་ནམ།།
འདི་རིང་ལུས་པོ་སྐྱིད་ན་རྟེན་འབྲེལ་ལེགས་ཀྱང།།
སང་ཉིན་སེམས་པ་སྡུག་ན་ལས་འབྲས་སྙམ་ན།།
མི་ཚེ་འདུན་ལམ་ཐོག་ཏུ་ངེས་དགོས་དེ་རིགས།།
འབྱུང་འགྱུར་སྐྱིད་པོ་ཡོང་ཕྱིར་བདེན་པ་མིན་ནམ།།
མདང་གོང་རང་དབང་ཡོད་པ་བཟང་པོ་ཡིན་ན།།
འདི་རིང་བཙན་དབང་ཤོར་སྐབས་སྡུག་པོ་བསམ་ན།།
འགྱུར་ལྡོག་ཟུང་འབྲེལ་དག་གི་མི་ཚེ་དེ་རང།།
གཟབ་གཟབ་སེམས་སྐུལ་དེ་ནི་བདེན་པ་ཡིན་ནམ།།
མི་ཚེ་ཆེ་འབྲིང་ཆུང་གསུམ་གཅིག་པོ་དེ་ནི།།
སྐྱིད་སྡུག་སྣ་གཉིས་འདྲ་བའི་འགྱུར་ལྡོག་ཆ་ཚང།།
འཇིག་རྟེན་བདེན་པ་ཡོངས་ལ་བསམ་ཞིབ་རྣོན་ནས།།
དོན་ལ་རེ་རེར་འཛེམ་ནས་ལག་ལེན་རིག་ཅིག
༢༠༡༥།༤།༢ཉིན་འཛིན་ཁང་ནང་དུ།
No comments:
Post a Comment