ལྦེ་ལེན་ཊིན་ཉིན་མོ་བསུ་སྟངས་ཤིག

སྤྱི་ཟླ་གཉིས་པ་ཚེས་བཅུ་བཞི་ཉིན་མོར་ལོ་ལྟར་བཞིན་ཨ་རི་དང་གཞན་ཡང་འཛམ་གླིང་གི་ས་གནས་གང་སར་བདག་ཉིད་ཆེན་པོ་ལྦེ་ལེན་ཊིན་མཆོག་གི་མཚན་ནས་ཐོག་མེ་ཏོག་དང་། བྱ་དགའ། ལག་རྟགས་སྣ་རིགས་དགའ་རོགས་ཕན་ཚུན་གཅིག་གིས་གཅིག་ལ་སྤྲོད་ལེན་བྱེད་ཚུལ་ཡོད།

       

བདག་ཉིད་ཆེན་པོ་ལྦེ་ལེན་ཊིན་གྱི་གཏམ་རྒྱུད།

ལྦེ་ལེན་ཊིན་ཉིན་མོའི་བྱུང་རབས་དང་ཡི་ཤུ་མཆོད་དཔོན་ཁོང་གི་མི་ཚེའི་ལོ་རྒྱུས་གླེང་ན་།    ཁོང་གི་མི་ཚེ་ལོ་རྒྱུས་ནང་འདས་གྲོངས་ཕྱིན་སྟངས་ཧ་ཅང་ཡ་མཚན་ཞིག་ཆགས་ཡོད། ང་ཚོས་སྔོན་དུ་ཤེས་གསལ་བཞིན་སྤྱི་ཟླ་གཉིས་པ་ནི་བརྩེ་དགའི་ཉམས་རོལ་གྱི་ཟླ་བ་དང་ཡི་ཤུ་དང་རོ་མན་གྱི་རྗེས་འཇུག་ཡོངས་རྫོགས་ཀྱི་བླ་དཔོན་ཆེན་པོ་ལྦ་ལེན་ཊིན་མཆོག་གི་ཉིན་མོ་ཆགས་ཡོད། ཡིན་ཡང་ཡི་ཤུ་མཆོད་དཔོན་ཆེན་པོ་ལྦ་ལེན་ཊིན་ཟེར་བ་དེ་སུ་ཞིག་ཡིན་པ་དང་ཉིན་མོ་དེ་ཁོང་དང་འབྲེལ་བ་ཡོད་དགོས་དོན་མཁྱེན་གྱི་ཡོད་དམ།

བུ་བསྟན་རྡོར་དང་བུ་མོ་བསྟན་སྒྲོལ་གཉིས་བར་གྱི་འཕྲིན་ཡིག
བུ། བསྟན་རྡོར།
ཧ་ཅང་མཛེས་མདོག་སྟོན་པའི་བུ་མོ་ཁྱོད།།
ཧ་ལམ་མཛེས་ཤོས་ཡིན་པའི་ངོམས་སོ་ལ།།
ཧ་རྒྱག་མི་རྟག་ཤུན་སྐོགས་དེ་ཉིད་ལ།།
ཧ་ཧ་དེ་འདྲ་ཧོན་འཐོར་ཅི་ཡང་མེད།།

བུ་མོ། བསྟན་སྒྲོལ།
ཧ་ལས་འཇོ་སྒེག་འཐོབ་པའི་མི་ཚེ་འདི་།།
ཧ་རི་ཙན་དན་བཞིན་དུ་རིན་ཐང་མཆིས།།
ཧ་ཅང་གཤེ་གཤེ་ཅན་གྱི་ཕོ་གསར་ཁྱོད།།
ཧ་ལས་གང་ཡང་མེད་པའི་ཅོལ་ཆུང་ཞིག།
བུ། བསྟན་རྡོར།
ཧ་རེ་ཧོ་རེ་བྱེད་ནས་རྐང་བགྲོད་ལ།།
ཧ་བེ་ཧོ་བེ་ངང་ནས་དབུ་རྡོར་ཐུག།
ཧ་ཡང་སྟོང་པ་ལྟ་བུའི་ཕྱི་མཛེས་དེ།།
ཧ་ལོག་རེ་འགའ་ཞིག་གི་སེམས་རྟེན་ཙམ།།
བུ་མོ། བསྟན་སྒྲོལ།
ཧ་ལོ་ཧེ་ནོའི་བསྲེས་སྐད་གླེང་བཞིན་ངང་།།
ཧ་ལམ་ཆུ་སྐྱེས་བུང་བ་འཁོར་བའི་ཟོལ།།
ཧ་རི་ཧུ་རི་ཅན་གྱིས་འབྲངས་པ་དེ།།
ཧ་ལམ་བོང་བུ་ཟོལ་གྱི་ཕོ་སར་རྣམས།།
བུ། བསྟན་རྡོར།
ཧ་ལོའི་མེ་ཏོག་མཛེས་སྡུག་ཆེ་ན་ཡང།།
ཧ་ཧ་ཡུན་རིང་མི་བརྟན་རྡུལ་འགྱུར་ན།།
ཧ་སྐད་དེ་འདྲ་ངོས་ནས་ཁྱེད་ཉིད་ཀྱང།།
ཧ་ལོགས་དགོས་པ་ཉིན་གཅིག་ཡོང་བར་ངེས།།
བུ་མོ། བསྟན་སྒྲོལ།
ཧ་ནུ་མན་ཐ་ཇི་བཞིན་གཟུགས་བརྙན་དེ།།
ཧ་ཅང་མཚན་མུན་མཐོང་ན་གདོང་འདྲེ་མཚུངས།།
ཧ་ཧ་གད་ནས་ཁྱེད་དང་འགྲན་ཟླ་བྲལ།།
ཧ་ཅང་གཞལ་མེད་ཁང་གི་ལྷ་མོ་ཡིན།།
བུ། བསྟན་རྡོར།
ཧ་ཅང་ཁྱེད་རང་ལྟ་བུ་འཇོ་སྒེག་ཀྱང།།
ཧ་ཉིད་སད་མ་ཐག་གི་གཟི་བརྗིད་རེད།།
ཧ་ཡོ་ཁྱེད་རང་ངོམས་པའི་མཛེས་བཟོ་དེ།།
ཧ་ལས་གང་ཡང་མེད་པའི་ཕྱི་པགས་ཙམ།།
བུ་མོ། བསྟན་སྒྲོལ།
ཧ་ནི་ཡོན་ཏན་ཟོལ་གྱི་ཕོ་སར་ཁྱོད།།
ཧ་ཧ་དགོད་ཁ་བྲོ་བའི་གཏམ་འཆལ་འགའ།།
ཧ་ཅང་སྙིང་པོ་ཡེ་ནས་མེད་པ་དག།
ཧ་གོ་ཉམས་མྱོང་བྲལ་བའི་ཁྱི་ལྡོམ་ཁྱེད།།
བུ། བསྟན་རྡོར།
ཧ་རྒོད་གདོས་པོ་བཤམ་པའི་མོ་སར་ལགས།།
ཧ་བེ་ཧོ་བེར་དགའ་མཆོངས་རྒྱབ་དྲག་ན།།
ཧ་ལས་དགོས་པའི་འཆོལ་པ་འཕྲད་སོང་ན།།
ཧ་ལམ་མི་ཚེ་མིག་ཆུས་བསྐྱལ་དགོས་ཡོང་།།
བུ་མོ། བསྟན་སྒྲོལ།
ཧ་ཧ་ཧེ་ཧེ་སྟག་ཤར་གཞོན་པ་ལགས།།
ཧ་ལེན་ཇི་བཞིན་ངས་གཏམ་དེ་བླངས་ཆོག།
ཧ་ཅང་བརྩེ་སེམས་ཟོལ་ཚིག་གཏམ་རེ་རེར།།
ཧ་ང་ཁྱེད་རང་ཉིད་ལ་སེམས་མི་ཤོར།།
བུ། བསྟན་རྡོར།
ཧ་ལམ་དཀར་དམར་བྱུགས་བྱུགས་མང་དྲག་པ།།
ཧ་ལོ་ཤོར་དགོས་འཁྱམ་བུ་རྣམས་ཀྱིས་ནི།།
ཧ་རེ་ལོང་བ་མཚན་མོའི་མཐོང་འགྱུར་ན།།
ཧ་ལོག་དགོས་པའི་ཚོང་པ་སྟོང་ལྷང་འགྱུར་།།
བུ་མོ། བསྟན་སྒྲོལ།
ཧ་ལས་བྱུག་བྱུག་མང་ན་གནས་སྐབས་དང་།།
ཧ་ཅང་རྒྱས་སྤྲོས་མང་ན་མི་རྟག་བདེན།།
ཧ་གོ་ངེས་ཅན་དབང་གྱིས་སེམས་འགྲིམས་ནས།།
ཧ་ཅང་དམ་པའི་ཆོས་ལ་བསྐྱོད་ན་བཟང་།།
བརྩེ་དུངས་ཀྱི་སྙན་རྩོམ་དེ་སྒྲ་རྒྱན་གྱི་གཞུང་ལུགས་དང་མཐུན་པར་བྲིས།

ཐུག་པ་མ་བཞེས་བ་གང་རེད་དམ།

ཐུག་པ་མ་བཞེས་བ་གང་རེད་དམ།

གཞིས་བྱེས་གཉིས་ཀྱི་བོད་ཟས།།
བྲོ་སྨན་ཤ་དང་ལ་ཕུག།།
སྣུམ་དང་ཆུ་གཉིས་བསྲེས་ནས།།
བསོད་ནམས་དཔལ་འཛོམས་ཅུང་གིས།།
རོ་བཅུད་ལྡན་པ་འགྲུབ་སོང།།
ཐུན་མོངས་བོད་ཀྱི་དུས་ཆེན།།
དགུ་ཐུག་འབག་ཐུག་འཐུང་ཞིང།།
བཀྲ་ཤིས་རྟེན་འབྲེལ་རྟགས་ནི།།
ཐུག་པའི་བཀའ་དྲིན་མི་ཆུང་།།
འཐེན་ཐུག་རྒྱ་ཐུག་གཉིས་དང་།།
གཞན་ཡང་ཐུག་རིགས་མང་མང་།།
དེང་གི་བཟོ་གྲྭ་ནང་གིས་།།
ཚང་མ་ལད་ཟློས་རྗེས་སུ།།
ཟས་རིགས་བཅུད་ལྡན་འདི་ནི།།
གྲང་ངོ་ཚ་དྲོད་སྦྱིན་བ།།
ཟས་རིགས་མཚུངས་མེད་འདི་ནི།།
སྟབས་བདེ་་རང་བཞིན་ཅན་རེད།།
ཟས་རིགས་སྙན་གྲགས་འདི་ནི།།
དུས་ཆེན་སྐབས་ཀྱི་གཙོ་རེད།།

སོང་ཙང་། ཐུག་པ་མ་བཞེས་བ་གང་ཡིན། ཐུག་པ་ནི་མཐུན་མོང་མ་ཡིན་པ་ཞིག་ཡིན་པས་ཐུག་པ་མཆོད་རོགས་གནང་། ཆོས་གྲོགས་ཚོ།
དགུང་མོར་བྲིས།

རྒྱལ་སྤྱིིའི་ལོ་རྒྱུས། ལེ་ཚན་དང་པོ།

                                   རྒྱལ་སྤྱིིའི་ལོ་རྒྱུས། ལེ་ཚན་དང་པོ།

herodous thucidides

ཡི་ཤུ་མ་འཁྲུངས་བའི་སྔོན་གྱི་དུས་རབས་ལྔ་པའི་ནང་གི་གྷི་རིས་ཀྱི་ལོ་རྒྱུས་མཁས་དབང་ཧེ་རོ་ཀྲོ་ཀྲས་herodotusམཆོག་གིས་པར་ཤིའི་གཡུལ་འགྱེད་སྐོར་ཕྱག་དེབ་ཅིག་བྲིས་ཡོད། ཁོང་གིས་མི་རབས་གཅིག་སྔོན་ལ་བྱུང་བའི་པར་ཤིའི་གཡུལ་འགྱེད་ཐོག་ཕྱག་དེབ་བྲིས་སྐབས་འདྲི་རྩད་ལམ་ལུགས་བེད་སྤྱོད་བྱས་བ་རེད། དེ་ཡང་ཁོང་གིས་གྷི་རིས་ས་ཕྱོགས་གང་སར་ཡུལ་སྐོར་ཞིབ་བཤེར་དང་ཡུལ་མི་རྣམས་ལ་ངག་རྒྱུགས་འདྲི་རྩད་ངང་དཔྱད་ཞིབ་ནས་བསྒྲུབས་བའི་ཕྱག་དེབ་ཅིག་རེད། དེབ་དེའི་ནང་གི་དོན་རྐྱེན་རྣམས་ནི་གནད་དོན་ཇི་མ་ཇི་བཞིན་དངོས་ཡོད་གནས་ཚུལ་འདོད་པ་ཚིམས་པ་འགོད་ཡོད། ཁོང་ལ་དངོས་འབྲེལ་མིན་པའི་གནད་དོན་མང་པོ་ཞིག་ནང་ནས་བདེན་པ་རྣམས་བཙགས་དགོས་སྐབས་དཀའ་ངལ་མང་པོ་ཞིག་འཕྲད་ཡོད། ཧེ་རོ་ཀྲོས་ཀྲས་ཀྱིས་ལོ་རྒྱུས་ཀྱི་ཕྱག་དེབ་ནང་_ཕྱོགས་ཞེན་མེད་པ། དོན་སྙིང་བསྡུས། ལྷ་སྒྲུང་དང་རྟོག་སྒྲུང་ཆ་ཚང་བྲེགས་གཏུབས་བྱས། ཁོང་གིས་མིའི་སྤྱི་ཚོགས་རིག་པ་ཐོག་ནས་གཡུལ་འགྱེད་དུས་རིམ། ཉམས་གུད་དང་མ་འོངས་པའི་མདུན་སྐྱོད་ཕྱིར་རྒྱུས་སྟོན་བྱས་ཡོད། སོང་ཙང་ལོ་རྒྱུས་མང་པོ་ཞིག་བདེན་པའི་རང་བཞིན་དུ་འཛིན་ཆོག་བ་དང་གལ་འགངས་འཇོག་ཐུབ་བ་ནི། ལོ་རྒྱུས་ཡབ་ཆེན་དམ་པ་ཧེ་རོ་ཀྲོ་ཀྲས་ཁོང་ཉིད་ཡིན།

དོ་སི་ཀྲེཨཊ། Thucidides ཁོང་ཡང་ཡི་ཤུ་མ་འཁྲུངས་སྔོན་གྱི་དུས་རབས་ལྔ་པའི་ནང་གི་ལོ་རྒྱུས་མཁས་དབང་ཞིག་ཡིན། ཁོང་གིས་ཚད་འཕེར་བ་ལོ་རྒྱུས་ཁུང་དག་ཅིག་བཟོས་ཐབས་འབད་བརྩོན་བྱས་ཡོད། ཁོང་གིས་ཕྱག་དེབ། The History of the Peloponessian war[431-404]དེ་ནི་ལོ་རྒྱུས་རིག་བ་དེ་ཚན་རིག་ཕྱོགས་སུ་མདུན་སྐྱོད་ཀྱི་གོམ་བགྲོད་ཐོག་མ་དེ་ཡིན། ཁོང་གིས་དུས་རིང་དེའི་སྐབས་སུ་ཆབ་སྲིད་ཀྱི་གནས་སྟངས་དང་ས་གནས་སུ་གཅིག་རྗེས་གཉིས་འཐུད་ཀྱི་གནད་དོན་བྱུང་བ་ཡོངས་རྫོགས་འགོད་སྐབས་དཀའ་ངལ་ཇེ་མང་འཕྲད། ཧེ་རོ་ཀྲོ་ཀྲས་མཆོག་གིས་པར་ཤིའི་གཡུལ་འགྱེད་ཐོག་དངོས་འབྲེལ་གྱི་འགྲེལ་བརྗོད་བྱས་ཡོད་ན་ཡང། ཁོང་གིས་དོན་རྐྱེན་དེའི་རིགས།[ཅིའི་ཕྱིར།]བྱུང་ཡིན་མིན་གླེང་ཀློང་བྱུང་མེད། དོ་སི་ཀྲེཨཊ་མཆོག་གིས་ཕྱག་དེབ་ནང་དུ་གཡུལ་འགྱེད་ཀྱི་གནད་དོན་ཇི་མ་ཇི་བཞིན་འགོད་བ་དང། དེ་ཡང་རྒྱུ་འབྲས་གང་གི་གནད་དོན་དེ་བྱུང་ཡིན་མིན་ལ་དཔྱད་ཞིབ་ཡང་དག་བརྡར་ཡོད། སོང་ཙང་ཁོང་གིས་དོན་རྐྱེན་རྣམས་[ཅིའི་ཕྱིར།]བྱུང་ཡིན་མིན་ལ་ཞིབ་བཤེར་རྩོལ་ཐབས་རྐྱེན། ཁོང་གིས་ཚད་འཕེར་བ་ལོ་རྒྱུས་ཁུང་དག་ཅིག་བསྒྲུབས་ཡོད།

མེས་དབོན་དཔེ་སྟོན་སློབ་གྲྭའི་འཁྲུངས་སྐར།

མེས་དབོན་དཔེ་སྟོན་སློབ་གྲྭའི་འཁྲུངས་སྐར།

ཟླ་ཚེས་བཅུ་ཡི་ལོ་ལ།།
དཔེ་གསར་ཡང་གསར་སློབ་གྲྭ།།
དེང་རབས་སྲོལ་རྒྱུན་ལྡན་པའི།།
མེས་དབོན་དཔེ་སྟོན་སློབ་གྲྭ།།
གངས་ལྗོངས་བོད་མིའི་ལྷ་རྒྱལ།།
༧སྤྱི་ནོར་གོང་ས་སྐྱབས་མགོན།།
ཐུགས་རྗེའི་བཀའ་དྲིན་ཆེན་པོའི།།
དཔེ་སྟོན་སློབ་གྲྭ་འཁྲུངས་སོང།།
གདོང་དམར་ཚང་གི་པན་ཊིཏ།།
མཁས་དབང་ཟམ་གདོང་ཆེན་པོའི།།
ཡབ་ཆེན་ཐུགས་དགོངས་རི་བཞིན།།
དཔེ་སྟོན་སློབ་གྲྭ་འཁྲུངས་སོང་།།
དབུས་གཞུང་བོད་མིའི་སྒྲིག་བཙུགས།།
མང་གཙོ་ཀ་བ་གསུམ་ལྡན།།
མ་འོངས་མདུན་སྐྱོད་གཟིགས་ནས།།
དཔེ་སྟོན་སློབ་གྲྭ་འཁྲུངས་སོང།།
འཕགས་རིགས་རྒྱ་གར་གནས་ཚང།།
པན་ཊིཏ་ནེ་རུ་མཆོག་གིས།།
བག་ཡོད་སེམས་འཁུར་བརྟེན་ནས།།
དཔེ་སྟོན་སློབ་གྲྭ་འཁྲུངས་སོང་།།
ཕྱོགས་བཞི་མཁས་དབང་རྣམས་དང་།།
དགེ་སློབ་ཕ་མ་རྣམས་གསུམ།།
ཤེས་ཡོན་སྲིད་བྱུས་ལམ་བཞིན།།
དཔེ་སྟོན་སློབ་གྲྭ་འཁྲུངས་སོང་།།
འདི་ལོར་འཁྲུང་དཀར་ལོ་ལ།།
ཤེས་ཡོན་ལྷག་བསམ་འཕེལ་ཞིང།།
གོག་རིགས་བར་ཆད་འབྱིད་ནས།།
བསམ་དོན་ཇི་བཞིན་གསོལ་ལོ།།
རིགས་ཀྱི་བུ་བཟང་གིས་ཚིག་སྦྱོར་ལྷོད་པའི་བཞིན་ཁྱ་དཔར་དུ་མེས་དབོན་ངཔེ་ སྟོན་་སློབ་གཉེར་དབུ་བརྙེད་བའི་དགའ་སྟོན་ལ་ཕྱི་ལོ་༢༠༡༠ཟླ་༡༠ཚེས༡༠ཉིན་བཟང་ པོར་བྲིས་པ་དགེ།

Top of Form

Bottom of Form

ངའི་རྒན་དམ་པ་སྟག་ཤར་གཞོན་པ་མཆོག་ལ་ཕུལ།

ལོ་རིམ་དང་པོའི་ནང་གི།།
རྩོམ་ཡིག་གཅེས་བཏུས་བལྟས་སྐབས།།
༧ཚངས་དབྱངས་རྒྱ་མཚོའི་མགུར་གླུ།།
ཡིད་ལ་སྤྲོ་སྣང་སྦྱིན་སོང།།

འདས་སྔོན་ལོ་ལ་བསླབས་ཀྱང་།།
འདི་རིང་བསྐྱར་དུ་ཀློག་པས།།
སྙན་འཇེབས་ཚིག་སྦྱོར་རྣམས་ཀྱིས།།
མེ་རོ་སླར་ཡང་གསོས་སོང།།

གླེན་རྟགས་འདྲ་བའི་མི་ཡང།།

དྲན་གཟོ་བྱེད་རྒྱུ་ཡོད་ན།།
རིགས་པ་གྲུང་པོ་ལོས་ཀྱང།།
རིག་གནས་སློབ་དཔོན་དྲིན་རེད།།

ཕོ་ཉམས་ལྡན་པའི་མི་དེ།།
སྟག་ཤར་གཞོན་པའི་རྟགས་རེད།།
རི་བོང་སྤྱང་གྲུང་བྱས་ཀྱང།།
རུས་སྦལ་རིགས་པའི་དབང་རེད།།

རིག་གནས་གང་ཙམ་ལོན་པས།།
མཁས་པའི་གམ་ལ་བཞུགས་མཁན།།
དམིགས་ཡུལ་མེད་པའི་འཁྱམས་པོ།།
ཁྱི་ལྡོམ་མཇུག་དམར་ལྐོག་སོང།།

རྒྱ་གར་གནས་ཆེན་གང་ག་རུ་འགྲུལ་བཞུད་ཀྱི་དྲན་ཐོའི་ཆུ་ཐིག

རྒྱ་གར་གནས་ཆེན་གང་ག་རུ་འགྲུལ་བཞུད་ཀྱི་དྲན་ཐོའི་ཆུ་ཐིག
                                                    རིགས་ཀྱི་བུ་བཟང།
ངས་ཉིན་ཞིག་གི་གང་ག་རུ་འགྲུལ་བཞུད།[one day trip to Ganga]
གང་གའི་བྱེ་མ་ཆུ་རྒྱུན་དལ་གྱི་ལོང།།
འཕགས་པའི་ཕྱེད་གླིང་ཞིང་རླབས་ཕྲེང་འཕྱུར་ནས།།
རི་བོ་ཏེ་སེ་གང་ག་འཛིན་མཁན་མཆོག།།
འབྲས་ལྡན་དུས་ཀྱི་དཔལ་མོ་རྒྱན་དུ་འགྱུར།།
ཅེས་བསྔགས་འོས་ཀྱི་བརྗོད་དུམ་གོང་དུ་གསོལ་བ་བྱེད་ནས་དུས་རིང་མ་སོང་བའི་ རྐྱེན་འདི་རིང་ཉིད་ཕ་སྤྱི་སྤྱོད་འཁོར་ལོའི་བབ་ཚུགས་ལ་སྐྱེལ་མ་བྱེད་ཞོར་རྒྱ་ གར་གྱི་ཆུ་བོ་རྩ་ཆེན་གང་ག་ལ་ངལ་གསོ་ཟོལ་དུ་སྐོར་བལྟ་རུ་སོང་བ་གོམ་བགྲོད་ ཀྱི་གཏམ་གང་ཞིག་མི་ཉུང་བ་གླེང་འདོད་སྤྲོ་བ་བརྟས།
ལྦ་ར་ན་སིར་གཙུག་ལག་སློབ་གཉེར་ཁང་ནས་ནས་གང་ག་དབར་ལ་སྤྱི་ལེ་བཅུ་ཙམ་ཡོད། དེ་ནས་ཐོན་ན་གཞུང་ལམ་མ་སླེབས་སྔོན་དུ་ལམ་ངོས་སྒང་གཤོང་གསུམ་གྱིས་རླངས་འཁོར་ དང་རིག་ཤོའི་ནས་ཆས་ན་འཕར་ལྡེམ་གྱིས་ཧ་ཅང་སྟབས་མི་བདེ་བ་ཡིན་ཡང་། གཞུང་ལམ་ངོས་སུ་བསླེབ་པ་ལ་གམ་ན་ཡོད་པའི་བཟོད་བསྲན་བྱེད་ཐུབ། གཞུང་ལམ་གྱི་ངོས་ནི་རྡོ་རིག་ནག་པོའི་ལམ་འཁོད་སྙོམས་པོ་ཞེ་དྲགས་རེད་ལ་ཚོས་ མདོག་ནག་པོ་དེ་ནི་གནས་ཚང་རྒྱ་གར་་ཡུལ་མི་རྣམས་ཀྱི་ངོ་གདོང་གི་ཚོས་མདོག་དང་ མཚུངས། ཡུལ་དེའི་ཡུལ་མི་ཀྱི་གཤིས་སྤྱོད་དང་ལྡོག་པ་ཞིག་ལ་ལམ་ནི་ཞི་ཞིང་འཇེམ་གིས་ འོད་མདངས་བཀྲ་བ། སོང་ཙང་གཞུང་ལམ་གྱི་འགྲུལ་བཞུད་རྣམས་ཞིང་པ་འདི་ལོའི་ལོ་ཏོག་ཡོར་ཐོན་ཡངས་པོ་ སྨིན་པ་ཞིང་འགྲུལ་བཞུད་བ་རྣམས་དགའ་སྐྱིད་རོལ་ཞིང་་འཛུམ་དམུལ་བཞིན་ཆས་ཀྱི་ མཆིས།